საზოგადოებრივი
104.5 FM
EN | GE საქართველოს ხმა ევროვიზიაზე

თამარა გაჩეჩილაძის საიმიჯო ფოტოები გიორგი ცაავამ გადაიღო

2017 წლის ევროვიზიის სიმღერის კონკურსზე საქართველოს წარმომადგენლის თამარა გაჩეჩილაძის საიმიჯო ფოტოები გიორგი ცაავამ გადაიღო. ფოტოები ევროვიზიის ოფიციალურ ვებგვერდზე და ჟურნალებში გამოქვეყნდება.

გიორგი ცაავა - ფოტოხელოვნებას იური მეჩითოვის ფოტოსახელოსნოში ეუფლებოდა. 2010-2014 წლებში მუშაობდა კომპანია "ბრავო რექორდსში", მისი მონაწილეობით შეიქმნა ალბომები: The Shin - "არაჩვეულებრივი გამოფენა", ოთო ნემსაძე - "ფიქრების ზღვა", სამორი ბალდე და ჯგუფი "გონივრული მოძრაობა"- "ძველი რესურსი", "მე ვხედავ მზეს", ჯგუფი Eldrine - "ბოლომდე", დათო არჩვაძე - "ეს ქალაქია".

 2011 წლიდან მუშაობს ტელეკომპანია "იმედში" მეგაპროექტების ფოტოგრაფად, მათ შორისაა: "ცეკვავენ ვარსკვლავები" (I-VI სეზონი), "ორი ვარსკვლავი", The Voice Georgia, "ერთი ერთში", "შენ შეგიძლია ცეკვა".

2013 წელს გიორგი ცაავამ დააარსა ახალგაზრდული კულტურული ორგანიზაცია GTS და განახორციელა სამი ფოტოპროექტი -"ჩემი პირველი ახალი წელი", "9" (მიძღვნილი შშმ ქალბატონებისადმი) და "სოციალური მეწარმეობის დოკუმენტალისტიკა საქართველოში". უკანასკნელი ორი პროექტის ფარგლებში მოეწყო გიორგი ცაავას პერსონალური ფოტოგამოფენა.